Téarmaí Tagartha

An Mheitheal um Chomhordú na nGníomhaireachtaí Stáit i leith Phriacal Tuile na Sionainne

 

Bhunaigh an Rialtas an Mheitheal um Chomhordú na nGníomhaireachtaí Stáit i leith Phriacal Tuile na Sionainne go luath in 2016 chun feabhas a chur ar an gcomhoibriú leanúnach i measc na nGníomhaireachtaí Stáit ar fad a bhíonn ag plé leis an tSionainn.

 

Tá na comhaltaí seo a leanas sa Mheitheal agus is comhalta d’Oifig na nOibreacha Poiblí atá i mbun cathaoirleachta uirthi.

Comhaltaí na Meithle um Chomhordú na nGníomhaireachtaí Stáit i leith Phriacal Tuile na Sionainne:

 

Is Príomhfheidhmeannach nó duine ar leibhéal comhionann sna Gníomhaireachtaí Stáit seo a leanas iad comhaltaí na Meithle:

  1. Oifig na nOibreacha Poiblí
  2. údaráis áitiúla, a bhfuil Cumann na mBainisteoirí Contae agus Cathrach ag déanamh ionadaíochta dóibh
  3. Uiscebhealaí Éireann
  4. Bord Soláthair an Leictreachais
  5. Iascach Intíre Éireann
  6. An Roinn Ealaíon, Oidhreachta, Gnóthaí Réigiúnacha, Tuaithe agus Gaeltachta
  7. An Roinn Tithíochta, Pleanála, Pobail agus Rialtais Áitiúil
  8. Bord na Móna
  9. An Ghníomhaireacht um Chaomhnú Comhshaoil
  10. Uisce Éireann

Féadfaidh Oifig an Ard-Aighne agus Ranna Rialtais eile a bheith rannpháirteach freisin, má iarrann an Cathaoirleach é.

Is iad seo a leanas Téarmaí Tagartha na Meithle:

 

Ar bhonn eolas ón gClár Náisiúnta Measúnaithe agus Bainistíochta Riosca Tuile i nDobharcheantair agus chun an baol tuile i ndobharcheantar na Sionainne a bhainistiú agus a mhaolú go héifeachtach, déanfaidh an Mheitheal an méid seo a leanas:

  1. Clár Oibre Riosca Tuile na Sionainne a fhorbairt agus a aontú (le príomhtháscairí feidhmíochta ó thaobh aschuir) chun díriú ar ghníomhartha agus gníomhaíochtaí chun riosca tuilte a bhainistiú i leith dhobharcheantar na Sionainne, agus chun na rioscaí sin a chur in ord tosaíochta.
  2. Stiúradh agus treoir chomhordaithe a sholáthar lena chinntiú go gcuirfidh gníomhaireachtaí Stáit i bhfeidhm a gclár oibre comhpháirteach maidir le bainistíocht a dhéanamh ar riosca tuile, chun a ról reachtúil a chomhlíonadh.
  3. Treoirlínte agus prótacail a ghlacadh agus/nó a fhorbairt chun bonn eolais a chur faoi chomhordú agus comhar níos fearr idir Gníomhaireachtaí Stáit agus/nó cuidiú leis sin.
  4. Ar bhonn iniúchadh ar róil agus freagrachtaí maidir le bainistíocht a dhéanamh ar riosca tuile i ndobharcheantar na Sionainne, soiléireacht a lorg maidir le haon saincheisteanna dlí agus beartais chun bonn eolais a chur faoina cuid oibre.
  5. Dul i gcomhairle le comhlachtaí eile, lena n-áirítear comhlachtaí deonacha agus pobail.
  6. Treoir maidir le róil agus freagrachtaí a chur ar fáil do chomhlachtaí neamhreachtúla a bhfuil baint acu leis an riosca tuile a bhainistiú i ndobharcheantar na Sionainne.
  7. Nuair a bheidh an Staidéar Measúnaithe agus Bainistíochta Riosca i gcás Tuilte i nDobharcheantar na Sionainne (CFRAM na Sionainne) aontaithe, faireachán agus tuairisciú ráithiúil a dhéanamh ar a chur i bhfeidhm.
  8. Struchtúir eile a fhorbairt mar chur chuige éifeachtach i dtaobh a cuid oibre a chur chun cinn agus a threorú.
dhúnadhdhúnadh